海洋公園三月有驚喜 買成人飛送小童飛

收到海洋公園最新消息，今個月推出「買大送細」驚喜優惠，即日起本月22日，大家去7-Eleven買一張成人正價入場門票，憑票喺海洋公園入口處票務部可以免費換一張小童門票，換領期去到三月底㗎！

此外，海洋公園營業及市務執行總監李玲鳳（Vivian）提到，公司首次推出兩款「海洋公園畢業典禮套餐」，喺園內舉行畢業禮後，師生可以一齊遊玩，仲可以學埋保育知識，絕對係集教育同娛樂於一身嘅獨特遊園體驗。畢業典禮套餐即日起接受預訂，參加人數最少為60人，最多140人，包入場門票、30分鐘保育教育活動等。