林嘉欣法國艷遇冇感覺

「人妻」林嘉欣結婚多年，且為老公袁劍偉誕下兩個可愛囡囡，嘉欣依然sweet到爆。昨日在銅鑼灣出席化粧品牌活動時，她自爆早前在法國被男仔注視，但已向老公派定心丸，即使遇到法國型男也不為所動。

林嘉欣早前到法國一星期，參加當地的「法國五月」活動，此行除了欣賞藝術品，還有上堂吸收法國文化。她自爆在當地有艷遇，並透露：「有日在街頭被男仔撩，對方外貌睇嚟細過我，其實我無留意，係化粧師見到個男仔雙眼bling bling咁。可能我已婚對呢啲事唔會留意，我都有同老公講，佢好放心，我有啲開心啦，始終知道自己仲有少少吸引力，法國人係先天浪漫三分鐘。」

為慶祝下周二是三八婦女節，大會昨日安排一部粉紅色甲蟲車接載她到場，非常夠派頭。嘉欣表示她與兩個愛女都喜歡粉紅色，家中衣物幾乎清一色是粉紅，她笑言：「大女會偷偷地用我嘅化粧品，然後躲在枱底畫來畫去，直至我搵到佢，見到成個粧畫到出晒界，胭脂搽上眼部，佢仲話要幫我化粧，真係好好笑。」

大女躲枱底化粧

問到婦女節當日，她在屋企是否大晒？嘉欣笑言：「唔係，係男女平等，屋企有三個女生，我哋冇話邊個特別惡啲。」女兒年紀小小已喜歡扮靚，問嘉欣會否將手袋珠寶留給兩個女？她卻笑指平日在家中的飾物都是「流」的。

採訪：Pauline

攝影：林良明

編輯：陳禮恒

設計：梁政敏