【聲明】港生活網站並無進行電話推廣活動

迪士尼大廚出馬 煮大餐開生日會

發佈時間: 2016/03/04
  • 1,000次
    分享

喺街見到架迪士尼logo車,車身無迪士尼人物,只有食物圖案。WhatsApp姊妹八卦下,原來呢架係迪士尼樂園幻想工程師嘅特別設計。姊妹話,迪士尼2013年起同膳心連合作推食物捐贈計劃。平時樂園喺兩間酒店同園內餐廳回收到可供安全食用「剩食」後,樂園大廚會喺公餘時間義務煮番幾味,將簡單材料變美味菜式。呢架食物冷藏專車就負責一星期五日將煮好嘅食物送到膳心連服務中心,分派畀有需要人士。

黛安見到冷藏專車嗰日,原來係餐飲部行政西廚麥錦駒、餐飲部廚師長楊日紅同迪士尼義工隊,仲有饍心連,一齊去深水埗一間社區中心同小朋友開生日會。生日會仲有位「神秘嘉賓」,就係迪士尼行政總裁金民豪,佢哋開心玩遊戲之餘,仲特別準備咗個好靚嘅蛋糕,個個咁有愛心,真係好抵讚!

撰文: 黛安 消息特靈八卦公關
欄名: 八卦名利場