靚靚愛袋成癡 Chilam激讚畀like

張智霖（Chilam）和袁詠儀（靚靚）參演的浙江衞視明星夫妻真人騷《一路上有你》第二季，將於下周六（12日）首播，節目首段宣傳片亦於近日曝光，片中的Chilam和靚靚表面上展現女強男弱，實際上是現代夫妻間的一種有趣相處模式。

眾所周知，靚靚買袋成癡，在上一季節目中，Chilam曾在懸崖放聲大嗌「老婆，不要再買包了」，但口裏說不，身體卻很誠實，Chilam依然對老婆疼錫有加，今次宣傳片就一次過滿足靚靚對包包的所有渴望。片中的靚靚對住一屋靚袋已垂涎三尺，本來掛住打機的Chilam即刻幫老婆逐個靚袋接住，更豎起拇指給like，可見靚靚在Chilam眼中，任何時候都是最可愛的。