鬈髮蔡思貝 自嘲發電廠漏電

蔡思貝前晚錄影節目《Sunday好戲王》，她與新劇《潮流教主》拍檔陳瀅、呂慧儀及陳奐仁同場較量。蔡思貝以一頭鬈髮亮相，更自嘲發電廠漏電所致。

蔡思貝當晚以全新造型出現，頭上的大鬈毛令人眼前一亮，她笑言：「我覺得幾得意，同埋佢唔係真係電，係夾出嚟，一洗就變番直。之前未試過，我頭髮一直都係黑黑啡啡咁。」當記者打趣問她是否照鏡電親自己時，她不忘幽自己一默：「發電廠漏電呀嘛！」她又透露會在節目上扮梅艷芳，之前已不停上網重看梅姐的表演偷師。

陳瀅怕提男友猷亨

同場的陳瀅受訪時被問到何以穿鬆身衫，她解釋要在節目上做很多動作，甚至打功夫，還要扮經典人物「西瓜刨」，為此刻意翻看粵語片做功課。她續稱：「睇咗好多佢嘅作品，睇到好夜。（唔怕舊片沉悶？）唔會，我發現原來以前好多片都係一take過，同埋學到好多當時嘅詞語。我要贏呀！因為我冇中六合彩！（有冇叫男友何猷亨嚟支持？）我叫咗好多fans嚟，同埋會錄影去到好夜，不過我會叫所有觀眾同朋友留意播出時間。」

撰文：Pauline

攝影：Lego

編輯：陳禮恒

設計：鄧俊明