黎美言格鬥戰惹口舌之爭

ViuTV真人騷節目《G-1格鬥會》昨日在尖沙咀舉行宣傳活動，七位參賽者龍小菌、黎美言（Winkie）、鄧穎芝、郭思琳、唐紫睿、劉燕妮（Rika）、鄧洢玲都身穿運動服現身。

近日盛傳Winkie與Rika不咬弦，台上近乎零交流。事後Rika回應不和事件，她說：「大家冇話不唔不和，中間係有唔愉快、唔開心、憤怒同埋不受尊重嘅事發生咗。（你不受尊重？）比賽係講體育精神，最唔開心係畀人挑釁。我係嚟比賽，受傷我可以接受，但聽到『其實我唔想打你』呢啲說話我唔開心。」

Winkie則否認不和：「我係好專注自己。我對得住自己嘅良心，我控制唔到其他人嘅諗法，一句說話唔同人get到唔同嘅嘢。（打傷人唔道歉？）我個人好心軟，如果我令到人哋唔好，我會道歉。」