3香港免費派5GB卡 下星期二搶先煲劇

TVB最新App「myTV SUPER」四月先正式同大家見面，但黛安之前提過，3香港今個月就會喺全港60個熱點免費派「myTV SUPER」5GB數據儲值卡，等大家率先試用新App。最新消息，日子終於confirm啦，下星期二起，全綫3Shop同3Xpress營業時間內免費派卡，大家收到卡，只需要今年12月31日或之前啟動，再下載「myTV SUPER」同埋登記一個月體驗帳戶，就可以用3香港4G網絡免費煲劇。

黛安仲聽講，3香港已經推出多個煲劇組合，最平月費39蚊就可以選用基本組合加外購節目點播組合。另外，如果想通宵煲劇，月費68蚊嘅「myTV SUPER×歡樂通宵」組合啱晒你，除咗基本、外購節目點播，仲可以每晚11點到第二朝7點任睇。個個計劃都咁抵，黛安真係要準備敷多幾個眼mask打底，因為嚟緊肯定晚晚煲劇！