最佳魔術大師4月來港開騷

坐喺觀眾席睇魔術大師表演，你可能試過，但有頂級魔術師係正你面前表演，就唔係成日有機會啦。有「近十年來最佳魔術大師」之稱嘅魔術師Luis De Matos重臨香港，仲去銅鑼灣快閃𠻹！原來Luis今次係同一班傳媒朋友見面，宣傳下個月喺香港文化中心上演嘅《魔幻之旅》，仲即場表演，等大家近距離睇之餘，仲有得一齊玩。

Luis分咗幾張卡畀大家，叫大家將手頭上四張卡全部撕開一半，每人只收起其中半張，經過幾輪大兜亂同交換，最後每個人都會得番兩張一半嘅卡，打開一睇，每個人手上嘅兩個半張都可以合番埋一齊，個個都話好勁！呢啲當然只係「小兒科」，想知Luis有咩震撼表演，就要留意4月14到24日嘅表演！