總動員現身 Minions爆笑闖《晴報》

聽到一聲「Bello」，作為《迷你兵團》（Minions）粉絲，即刻望下同事睇緊咩，原來係《晴報》facebook做live，一班Minions打扮嘅小朋友面對鏡頭活力十足，氹到個個都好開心！問《晴報》姊妹先知，原來唔止呢班小朋友，仲有Minions三位主角Kevin、Stuart同阿Bob都一齊去咗佢哋office！

姊妹話，三位主角一現身，可以話係全場哄動，個個都拎晒手機出嚟自拍，三位Minions非常醒目，對鏡頭非常敏感，沿路出盡力擺pose，隨時隨地ready chok畀大家睇。點解佢哋咁落力？原來係為恒基兆業旗下七大商場嘅「迷你兵團復活歷奇之旅」做宣傳，本來仲有姊妹同黛安講「同Minions緣慳一面好傷心」，唔使傷心，復活節就見到佢哋啦！

公關Byron仲話，知道大人細路都會畀Minions迷倒，3月19日到4月12日期間，七大商場包括馬鞍山新港城中心、屯門時代廣場、沙田中心、粉嶺中心等，會有唔同遊戲，仲有見面會，三位主角指定日子仲會喺商場爆笑現身，大家一定要密切留意！