鼻敏感媽咪逢花必丟 麥明詩拒絕男友送花

女士們大多數都喜歡收花，偏偏應屆港姐麥明詩（Louisa）和龐卓欣（Ada）對收花都耍手擰頭，Louisa因為媽咪有鼻敏感而不敢收花，甚至將之棄掉；Ada就笑言收朱古力更實際。

麥明詩、龐卓欣、林凱恩、劉溫馨、劉思希、陳潔玲、梁茵、林伊麗及李旻芳昨日穿上民族服裝及西方美人打扮，出席「香港花卉展覽2016」攝影比賽。

Louisa和Ada被問到男友可會經常送花？Louisa笑言：「（林作）有送過，不過媽咪好快掉咗，因她有鼻敏感，每次見到花都會丟掉，所以最好唔好送花畀我。」Ada亦附和，更稱收朱古力都好開心。

Ada有一個網上頻道教女生扮靚，但她說捧場的女生反不及男生多，身旁的Louisa表示會支持好友，睇她的節目。Louisa又自爆男友林作曾送化粧品給她，因嫌她不化粧就出街，她笑言：「其實佢覺得我已經好靚，不過出街嘅話，化少少粧會更好睇。」Louisa又稱男友對自己的髮型相當緊張，她形容男友那凌亂的髮型為「旋風頭」，但她也很喜歡這髮型。

陳潔玲被批不夠性感

以唐朝美人造型亮相的陳潔玲，被指服飾不夠性感，她笑言：「少少低胸啦，今日好凍嘛，最緊要身體健康。（你喺社交網站經常曬事業綫？）只係咁啱啫，見張相影出嚟幾靚，咪分享一下囉。」完成《愛‧回家》之後，刻下她忙於拍攝劇集《來自喵喵星的你》。

採訪：Pauline

攝影：Lego

編輯：黃寶恩

設計：鄧俊明