林嘉欣兩個囡囡分別五歲及兩歲，大女Kayla甚愛扮靚，早前嘉欣已公開爆女兒喜歡躲在枱底化粧扮靚，但是講到兩個女兒的藝術天份，嘉欣表示會讓她們自由發揮，明白藝術逼不來，更加不會逼她們學畫畫。
林嘉欣昨日穿上連身裙襯托帽子，造型相當優雅出席在灣仔舉行的「法國五月藝術節」活動。今次是她連續第三年獲邀擔任大使，她透露剛於上月親赴法國參觀美術館及宣傳，惟可惜未能帶女兒同行，不過她都抽空為一對寶貝女選購禮物，嘉欣說：「我好鍾意去世界各地嘅美術館欣賞藝術作品，睇畫可以睇好耐，所以不便帶小朋友同行，等佢大個啲先帶，我都買咗個有巴黎鐵塔嘅雪球送畀佢，日日望住個雪球好開心。」
女兒已日漸長大，問到嘉欣會否安排她們學音樂或是繪畫？她表示不會刻意安排，並說：「其實目前佢哋都有繪畫，但唔會刻意要佢哋學，覺得學咗會磨平想像空間，等佢哋自由發揮。」
對金像獎平常心
此外，郭富城和春夏前晚於香港電影導演會聯歡晚宴上分別奪得影帝、影后，問嘉欣可覺得兩人是次獲獎是金像獎的前奏？她說：「邊個拎都無所謂，香港電影好似大家庭，都一樣開心，大家一齊搞好電影。」
撰文：Pauline
攝影：林良明
編輯：林梓添
設計：nc