吳業坤（坤哥）前晚與無伴奏樂隊Metro Vocal Group為即將舉行的音樂會綵排，坤哥又再出現眼鏡起霧情景，相當搞笑。提到近日出現多宗學童自殺事件，坤哥希望在社交網站發放正能量。
吳業坤近期密密儲歌，他透露有意於十月尾在九展開騷，雖然還未落實，他已感到有壓力，畢竟入座率好緊要，他希望全場爆滿。提到早前在台灣與偶像盧廣仲緣慳一面，坤哥失望表示：「本身約咗夜晚見，佢send短訊話太夜，改隔天食lunch，點知我瞓晏咗，我起身覆佢，佢已經到了屏東，無緣見面。」他打算親身再飛往台灣，用誠意邀請對方擔任個唱嘉賓。
唔覺胡鴻鈞惹公關災難
坤哥又言，有感近日社會氣氛沉重，談到好友胡鴻鈞日前上載過千字文，發表他對學生壓力太大而輕生的感受，卻遭網民批評他邏輯有謬誤，前後矛盾，惹來一場「公關災難」。坤哥聞言即說：「我仲未了解清楚，返去研究一下，再同佢討論，問佢究竟想法係點。我覺得每個人有自己嘅想法，係觀點與角度問題啫。」
此外，坤哥表示自己一向有在社交網站發放正能量，希望大家思想不要太過負面，他明白憑個人力量講不到大道理，但認為任何事總會有解決方法，因為活着已經很好。
撰文：Pauline
攝影：林良明
編輯：陳禮恒
設計：鄧俊明