兒時夢想做建築師 陳豪：無諗過做演員

陳豪入行做演員多年，但原來他的兒時夢想是做建築師，而對兩個囝囝將來的職業，他倒沒特別要求，但對有繪畫天份的大仔Aiden，也樂於讓他自由發揮。

陳豪昨日現身皇室堡主持「Bob the Builder建築樂園」揭幕禮，與童星鄭耀軒合力設計色彩繽紛的復活蛋賀卡，只見陳豪繪畫時盡顯心思，受訪時他坦言：「細個夢想做建築師㗎，從無諗過會做演員，一心想做同藝術有關嘅職業，（演員都係藝術行業。）算係啦，哈哈！」

陳豪又表示，大仔Aiden對繪畫有天份，僅兩歲半的他已很專注去繪畫，老婆陳茵媺（Aimee）修讀藝術設計，教繪畫的職責就交給她，問Aiden可曾試過牆上塗鴉，陳豪笑謂：「我哋盡量教佢唔好周圍畫。」

Aimee生三胎夠晒數

Aimee的預產期在五月中，再追問陳豪胎兒是仔還是女時，他用手在嘴邊畫上拉鏈，意謂要守秘密，但透露BB的英文名已由Aimee改好，中文名還在考慮中。當記者問他改了甚麼名字時，他醒目地笑謂：「唔好『裝』我啦！」又說無論是仔或女都收工，不再追了。

陳豪透露細仔剛滿一歲，已可企得好穩陣，正慢慢學行，最近還為他報了學校，他說：「好彩細仔報考哥哥讀緊間學校，算有少少着數啦，始終搵學校真係唔易，雖然得一歲，都唔敢怠慢。」

採訪：Pauline

攝影：林良明

編輯：黃寶恩

設計：鄧俊明