大家樂號召全民撑饑饉

大家樂連續第三年舉辦慈善活動「饑饉三十日」！黛安收到消息，即日至4月13日，大家午飯時段可以用「膳」心價39蚊，買王牌食品「芝味厚切一哥焗豬扒飯」，仲有得揀「全饑饉」或「半饑饉」形式。

如果你揀全饑饉，全部39元「膳」款就會連同大家樂捐出嘅10蚊，共49蚊捐畀予世界宣明會。如果你選擇半饑饉，就可以享用半客焗飯，大家樂就會捐出29個半畀世界宣明會。無論你揀邊種方式，大家樂都會免費贈飲，而捐款會用嚟支持世界宣明會推行糧食安全及救援工作，幫助飢餓兒童。

黛安仲知道，大家樂為咗鼓勵員工參與，同一時段，大家樂總部員工餐廳「Café100」都會舉辦「饑饉三十日」。