黛安
黛安

渣打 X Asia Miles聯營卡 4蚊賺1里數

發佈時間: 2016/03/16

渣打 X Asia Miles聯營卡 4蚊賺1里數

上個月同亞洲萬里通(Asia Miles)行政總裁黃思遠(Stephen)食飯,已經好八卦佢哋最新動向,當時Stephen笑說,「畀多少少時間一定有驚喜!」噚日見到佢同渣打銀行一班管理層,發現堅有surprise㗎,兩大品牌合作推出全新聯營卡「渣打亞洲萬里通萬事達卡」,食飯、網購到海外簽帳全年都可以4蚊賺1里數,其他本地簽帳就6蚊賺1里數,係咪聽到已經心郁郁想呢?

鄭秀文拍廣告sell銀行服務

渣打大中華及北亞洲地區個人金融業務總裁禤惠儀(Mary)話,今次雙贏合作加強渣打競爭優勢之餘,可以吸納新客戶。Stephen都話,新卡連銀行服務都有得賺里數,唔使逐次兌換,只要消費就直接儲到里數𠻹!為咗隆重其事,渣打仲搵咗重量級天后鄭秀文(Sammi)拍廣告,廣告今個星期五正式出街,黛安噚日率先睇咗片,Sammi係廣告入面表現調皮,繼續百變形象本色,仲話「Shopping、dinning我都鍾意,但最鍾意梗係banking」,強調渣打連銀行服務都有得賺里數。

撰文: 黛安 消息特靈八卦公關
欄名: 八卦名利場