噚日經過中環，見到一班俊男美女揹住紅色廣告牌走嚟走去，黛安行近一望，原來係3香港為派5GB數據sim卡造勢！話說噚日全綫3Shop同3Xpress超過60個熱點一早開始派卡，等大家即刻體驗新App「myTV SUPER」，黛安當然都拎番張卡率先試睇！睇相見到3門市大排長龍，就知電視迷對新App好有興趣。聽和記電訊香港控股營運總裁陳婉真（Jennifer）講，派卡活動反應空前熱烈，逾五萬張儲值卡短短幾個鐘派晒。Jennifer話，「很高興能夠將3香港高速4G網絡介紹畀全港巿民。」
講開又講，煲劇最緊要唔好「窒下窒下」，黛安一收到卡立即試用，4G速度認真一流，無論睇直播台定點播節目，好快load到，畫面質素都唔錯�𠻹！黛安仲特別揀咗幾套舊嘅劇集，例如有Amy郭藹明嘅《刑事偵輯檔案II》睇下，係iPad感覺都好掂。聽公關講，張卡可以用足一個月，數據用完仲可以用3香港嘅WiFi熱點，去到邊睇到邊，你話幾好？
黛安仲收到風，今次派卡反應好熱烈，見大家咁支持，品牌一於加碼，今個星期六再派過！除咗全綫3Shop同3Xpress，到時黃埔花園第一期嘅3門市仲有myTV SUPER大型宣傳活動，到時都有卡派㗎！
撰文:
黛安
消息特靈八卦公關
欄名: 八卦名利場