傳巡唱遇阻滯 學友拍心口：10月內地開鑼

歌神張學友今年十月舉行世界巡迴演唱會，但計劃節外生枝，一度盛傳因與陳淑芬合作問題需要延期，學友昨日宣傳新片《暗色天堂》時強調冇押後，十月將於內地率先展開。

有消息指環球唱片向內地製作單位發聲明，保障學友及公司權益。而製作人陳淑芬去年亦向學友及環球發律師信，令巡唱或要延期。環球方面日前發聲明，澄清學友巡唱一直在籌備中。昨日向學友求證，他表示近日為巡唱忙得很，無暇理會其他事，但據他所知，巡唱將於十月在內地展開首站演出，十二月就返香港舉行。

其實張學友、林嘉欣昨日參與英皇電影宣傳，學友與嘉欣雙雙角逐金像獎帝后，戲中演律師的黃秋生為兩人打下強心針：「睇埋預告，我睇得出呢部戲會有影帝影后出現。」嘉欣亦說無論如何學友都是她心目中的影帝，學友即笑言：「已經講定安慰我嘅說話！」

自認迷信稱帝機會微

其後學友重申：「我冇期望過，自己提名過五次，都係攞唔到，次次都話我機會高，呢啲嘢我好迷信，有『命』㗎，多謝同業對自己嘅憐愛，咁多年攞唔到一定有理由，我懷疑可能自己唔啱評審口味。（咁睇好邊個？）城城（郭富城）囉！佢喺導演會攞咗男主角獎，始終被睇高一綫。」

採訪：Pauline

編輯：陳禮恒

設計：鄧俊明