體感夾糖機 「襲」《晴報》編輯部

噚日《晴報》姊妹係office玩緊夾糖機，黛安覺得好得意，click入佢哋facebook專頁睇，有兩位小朋友教大家點玩。夾糖都要人教？原來噚日荃新天地帶去《晴報》office個部唔係普通夾糖機，係體感夾糖機，用手掌隔空控制個夾。

今次呢部體感夾糖機放滿咗零食，公關話要畀大家「試下手感」，為復活節做好準備！聽佢哋講先知，荃新天地星期六起到4月4日，舉辦「躍動獵蛋嘉年華」，商場打造全港首個9米高超巨型體感夾蛋機。噚日試玩完覺得唔夠喉可以去荃新天地，隔空控制巨型機械吊臂夾巨型復活蛋，夾中有神秘禮物㗎！大家只喺場內即場捐50蚊畀香港青年協會就可參加遊戲。講明係嘉年華，點會得一個遊戲，商場今次仲有多組充氣遊戲設施，小朋友肯定玩到樂而忘返！