手機睇戲環迴立體聲 誠哥都Like

網絡電視勢頭強勁，好多人都會喺屋企煲劇睇戲，不過電腦音效同戲院始終有分別。黛安留意到，長和系主席李嘉誠旗下維港投資領投的聲音科技公司Ambidio，從大腦感知模式入手，創造出一套聲音處理技術，透過有立體聲揚聲器嘅裝置，例如電腦、手機等，以後安坐家中都可以享受到環迴立體聲。

維港投資負責人周凱旋透露，她的團隊都是愛音樂、愛電影一族，發現了Ambidio後，花了半年時間主動游說對方合作。周又指，Ambidio的技術面世後，亦送了第一份禮物畀誠哥，呢份禮物就係經聲音科技處理、誠哥最喜愛、以電子聲吸引Hi-Fi發燒友嘅《1812序曲》。誠哥聽完之後都大讚：「耳聽為聲，目遇成色，人所共適。」