禾輋街坊雪糕屋 下月榮休

「一般咖喱魚蛋太辣，我在咖喱中放點蜜糖，甜甜哋，細路哥都食到。」城哥與太太在禾輋經營士多廿載，除了魚蛋，他的招牌乳酪雪糕亦是學生至愛，可惜因老闆身體轉差，舖頭將在下月底結業，兩款美食將成絕響。

「好唔捨得，一講唔做，我太太都流眼水，她想一個人做，但我話你一個點做喎？無辦法。」年屆75歲的老闆城哥，談起結業難掩失落。

70年代帶太太由潮州來港，做過小生意，90年代落戶禾輋廣場開士多，一做便是20年。城哥每朝堅持七點開舖，夜晚十點關門，全力無休；對食品也有一份執着，簡單如幾粒魚蛋，都要「飛水」才放落咖喱汁煮，製作認真。

訪問期間，記者並在店內找到很多懷舊零食，譬如戒指糖、BB糖、七彩蝴蝶橡皮等，儼如發現寶藏。老闆娘笑說：「係呀，這些都很多人回來買。」

樂與新一代交流 見笑容滿足

夫婦倆直言，做士多最開心是與後生仔交流，但看着顧客的笑容，一天一天長大，有說不出的滿足。「有些三、四十歲帶着孩子回來，說『老竇以前就在這裏買零食』。」一點一滴都是夫婦倆美好回憶。

後生一輩喊城哥「阿伯」。他打趣說：「聽見毛骨悚然，原來自己咁老我仲唔知。」事實上，近年城哥因腳患，難以長時間看舖，夫婦只好分兩更輪替。因為身體問題，城哥決定經營至下月30日告別街坊。

攝影：冼偉倫

記者：周藹文