【聲明】港生活網站並無進行電話推廣活動

海洋公園《動物大富翁》遊戲 睇展板學保育兼贏大獎

發佈時間: 2016/03/18
  • 1,000次
    分享

早幾日聽海洋公園嘅姊妹講,佢哋推出咗新App,黛安梗係第一時間download試用啦。黛安最鍾意嘅function,應該係用App「預約通行證」功能,等個App幫我因應時間安排最佳遊玩時段同行程,唔使下下去到門口先發現大排長龍。撳撳下發現,原來去海洋公園時連埋佢哋個Wi-Fi可以「實時導覽」,喺海洋奇觀、尋鯊探秘等動物展館入面,就有得揀唔同語言嘅導覽,感覺好似有人帶住你睇!

黛安仲發現到,海洋公園好似有心思,趁住呢排到4月17日舉行「親親動物月」,特別同大富翁合作,設計《動物大富翁》遊戲𠻹!園內17個動物展館會有大型動物大富翁展板,介紹動物大使,大家一邊同動物大使selfie,可以學埋保育知識,仲有得玩遊戲贏獎品,啱晒一家大細邊玩邊學新嘢。黛安仲知道,大家同動物大富翁展板影完相,可以去海濱樂園廣場攤位擲骰仔贏「機會」卡,有機會得到豐富獎品例如免費「企鵝全接觸」活動名額,係咪勁吸引先!

撰文: 黛安 消息特靈八卦公關
欄名: 八卦名利場