海港城都有得賞櫻！

三至四月係傳統嘗櫻季節，唔少人都會出國旅遊，最近無時間去旅行miss咗花見之期？海港城都有得賞櫻啦！收到海港城姊姊信息，原來三月底前，商場內都引入多棵土種櫻花，絕對係打卡之選！

姊妹仲話，大家可以飲住清酒欣賞櫻花，因為港威商場大堂仲為大家準備咗期間限定居酒屋。去海港城任何餐廳電子消費每滿100蚊，就換到清酒品酒券一張，每張單最多換五張。除此之外，大家捐款120蚊支持「東日本大震災兒童未來基金」，都可以換品酒卡一張，歎晒10款清酒！