【聲明】港生活網站並無進行電話推廣活動

Stephy小方分手轟動全城 安仔望兩人復合

發佈時間: 2016/03/18

鄧麗欣(Stephy)和方力申這對金童玉女昨日驚爆「分」訊,消息震驚娛樂圈,不少圈中人對兩人分手感到十分可惜,身為小方好友的許志安和小肥直言希望兩人能復合再續未了緣。

許志安昨日與台灣組合F.I.R.(飛兒樂團)、日本男子組合w-inds.、韓國女子組合AOA、茜拉及羅孝勇等出席《香港亞洲流行音樂節啟動禮2016》記者會,安仔透露屆時會獻唱Beyond的《Armani》宣揚環保信息,更會自彈自唱一首自己的歌。

提到小方和Stephy驚爆分手,安仔直言昨日才得悉,他慨嘆表示:「咁多年,好可惜,平時私下聚會都好好,希望真係好似聲明咁講會keep住朋友關係。(兩人會復合?)梗係希望啦,不過最明白佢兩個嘅都係自己。」

分手不一定背叛

而小肥昨晚在澳門出席《第十屆亞洲電影大獎》時,直言日前已從友人口中得悉兩人分手消息,但未有即時聯絡他們,小肥表示:「相信佢哋面對傳媒都應接不暇,而且愛情係兩個人嘅事,公司亦已經交代。」小肥又挺身力撑被網民狂罵的小方:「啲網民知道啲咩吖?唔一定係背叛,可能係因了解而分開,總之就覺得好可惜。」

撰文:林常恩

編輯:黃寶恩

設計:鄧俊明