【聲明】港生活網站並無進行電話推廣活動

卡樂B即炸薯片 必試避風塘香辣味

發佈時間: 2016/03/22

薯片有得即炸即食!噚日開始灣仔利東街有得食!黛安之前分享過,四洲集團將Calbee Plus帶到嚟香港。行入新店左手邊透明玻璃後,係開放式廚房,一班工作人員正落力準備,黛安睇住炸薯片經過輸送帶,再由工作人員裝好畀我哋試味,夠晒新鮮!

海外首店 望5年開4間

黛安見到四洲集團傳訊部總監劉碧琪(Peggie),當然要八卦一下公司仲有咩計劃。Peggie話,集團睇中Calbee Plus潛力,傾咗一段時間,終於將品牌帶到香港,仲話期望五年內有望開四間分店。Peggie仲好有信心:「對呢個品牌好有期望,因為卡樂B係香港有好多粉絲,食到新鮮炸嘅薯片係不同體驗,除咗體驗,仲想將開心快樂帶畀大家。」講起「出爐」薯片,Peggie笑說,喺日本每間Calbee Plus都會根據地區特色,推出地區限定味道薯片,嚟到香港當然保留呢個特點,新店揀咗避風塘香辣味,有平切同波浪切兩款,點解推避風塘味?Peggie話:「香港以前係漁村,想用番呢個特色」。

撰文: 黛安 消息特靈八卦公關
欄名: 八卦名利場