樂視請CCO 莫翠天：人脈好重要

睇電視都係專長？樂視副總裁及亞太區執行總裁莫翠天話，捕捉到觀眾喜好、電視節目趨勢嘅人，正正就係佢想搵嘅人才！除咗招聘，莫翠天話仲有兩個重磅職位，等緊「有能之士」加入公司，就係CCO同CCPO，即係Chief Content Officer同Chief Content Production Officer。

莫翠天話兩個職位都對樂視非常重要，「Content好重要，呢兩個職位關乎全個樂視內容策劃，佢哋要知道未來大趨勢係咩，例如品牌依家有劇集、節目，有自家製亦有外購，將來應該係邊方面加強？定增加其他範疇？大家成日講免費電視大戰一觸即發，點樣先可以打贏都關佢哋事。」大家都會問，除咗識睇電視，仲要有咩條件？佢就話，喺行內一定要有人脈，咁先可以帶領樂視香港。

講開又講，上星期樂視先舉辦完人才招聘會，姊妹話收到超過300份申請，主要係entry到middle level的人，原來品牌今日都獲邀同勞工處合作，係勞工處荃灣就業中心再辦招聘會，睇得出品牌真係好有決心，發掘人才，大家有興趣一定要把握機會，有關今日勞工處招聘可以致電（2417 6197）。