Chilam爆靚靚最驚畀雞啄

中國3D數碼昨日宣布將入股HMV，一直備受公司力捧的「一哥」張智霖（Chilam），在店內唯獨他有兩個架擺放個人影碟及演唱會DVD等，相當架勢。剛拍完內地真人騷的他，更大爆老婆袁詠儀在節目內差點被雞啄，幾乎要睇心理醫生。

昨日記者會上，中國3D數碼老闆蕭定一宣布將以總代價4.08億港元與HMV合併。旗下藝人包括張智霖、胡杏兒、周秀娜、周柏豪、鄭欣宜、連詩雅及何佩瑜等到場支持。

對於一直是公司力捧對象，Chilam坦言多謝公司。「見公司愈嚟愈強大，好有安全感。」當記者形容他是「一哥」時，Chilam則謙稱：「蕭定一先係一哥，公司資源分配好公平，自己盡綿力為同事度蹺，睇下可唔可以一齊拍電影或做騷，義氣仔女幫下大家。」

早前Chilam和太太袁詠儀（靚靚）到老撾拍真人騷《一路上有你》第二季，平日十分強勢的靚靚，原來也有弱點，Chilam笑言：「我哋要去放生，因為靚靚細個喺街市畀雞啄過，所以佢一直好驚識飛同有尖嘴嘅嘢，原本我諗住帶佢睇心理醫生，開解心結，最後都係放棄。」

杏兒拒拍親熱戲

幾位女藝人均以性感打扮現身，杏兒的透視裝最搶鏡，她笑言很安全，只是件衫設計若隱若現騙倒人。被取笑做了人妻後大解放。她表示：「人妻前都已經好開放。」杏兒又說丈夫Philip平日甚少看娛樂新聞，反而她拍親熱戲就一定呷醋，所以杏兒婚後也盡量少拍親熱戲。

撰文：Pauline

編輯：林梓添

設計：鄧俊明