楊怡冧爆：年底擺酒

剛榮升做羅仲謙太太的楊怡昨日復工，並與郭晉安等宣傳新劇《末代御醫》，一眾演員藉機把她的婚事擺上枱，飾演慈禧的羅蘭更送上BB公仔，祝楊怡連生貴子。被玩的楊怡全程甜笑不已，十分享受「羅太」這個身份。

羅仲謙、楊怡日前在英國成婚後返港，二人即在微博放閃，謙謙更稱呼老婆做「羅楊怡」。楊怡昨日笑言聽不慣被稱羅太，「都係叫我楊怡，（羅楊怡？）你的姓氏我的名字。我哋今年年底會補擺喜酒，會搵圈中人做姊妹，呢個係人生重要時刻，會做好啲，唔想草草了事。」

提到二人返港時沒有雙雙戴婚戒，她笑說：「因為謙仔覺得女仔應該戴大粒鑽石，等注意力喺我度，我哋有婚戒，不過平時未必戴，最怕唔見。」

謙仔與外母同住

楊怡又指楊媽媽對女婿十分滿意，婚後兩口子會跟楊媽媽同住。「我希望跟媽咪學煮餸，做人老婆係需要的。謙仔同（我）媽咪相處好好，佢好孝順。」此外，她強調雙方長輩也沒有催她生B，「順其自然，小朋友係天賜，我唔會心急。」至於她跟無綫的合約下月屆滿，她表示續約成數ok，但她接受內地傳媒訪問，卻表示未有答案。

同場的郭晉安祝楊怡百子千孫，他說：「我可以分享生仔秘方，我同太太生女嗰陣多食肉，相反生仔嗰排多食菜。」

採訪：李潔盈

攝影：Lego

編輯：陳禮恒

設計：鄧俊明