【聲明】港生活網站並無進行電話推廣活動

日系ORiental TRaffic攻港 銅鑼灣開地舖

發佈時間: 2016/04/01

姊妹相聚,總會講shopping同喜愛牌子,唔少老友都鍾意日系鞋履品牌ORiental TRaffic,去親日本都會掃幾對返嚟,鍾意佢價錢親民、鞋款吸引。近兩年品牌進軍香港市場,舊年更連開五間全新專門店,其中尖沙咀K11更是品牌喺香港首間旗艦店。早前品牌舉行春夏鞋履預覽,梗係要去行一圈,追貼潮流,知道呢期興邊款。

負責香港區代理的執行總監彭鈞健(Ken)話,品牌一向堅持鞋要具備「流行、好穿、實穿」三大元素,即係trendy得嚟要舒服,仲要襟着。講起新款,公關姊妹話,今季船踭同粗踭鞋當道,再加流蘇、綁帶等元素做亮點,一着就feel到春夏氣色。

講起品牌擴充計劃,Ken話今年會開兩至三間專門店,銅鑼灣區更會係地舖,至於確實地點要賣個關子,不過愛shopping嘅姊妹多數會估到,試諗諗區內人氣鞋履品牌集中喺邊度,估唔估得中,五月自有分曉!

撰文: 黛安 消息特靈八卦公關
欄名: 八卦名利場