【聲明】港生活網站並無進行電話推廣活動

黃秀英告別煤氣 接掌西九傳訊部

發佈時間: 2016/04/05

「有生之年,做嘢(工作)日子可能不多,好彩不愁衣食,工作想找有點意思的。」煤氣公司公關阿頭黃秀英上星期四last day了,同佢講電話剛好知道消息,4月1日開始,她正式成為西九文化區管理局傳訊及公共事務總監。

黃秀英笑言,大家聽到消息可能驚訝,「雖然出身公營事務,我其實好驚在公營機構工作,佢哋係緊次政府部門,好重視規程」。接下新挑戰,相信對西九有期望,「好多人話西九係大白象,我揸車經過都有留意,地上陸續有建設落成,雛型已經係度」。佢強調,清楚新工絕不易做,但「做得呢個位,食得鹹魚抵得渴」,更說:「畀啲時間等我熟習新環境,再講吓上任目標」。

對新工充滿期待之餘,黃秀英都提到,不捨煤氣公司一眾同事,仲話last day既開心又感動,因同事準備咗好多surprise party。其中最難忘告別禮物,佢話同事將多年來的相片「拎番出嚟」,包括佢長頭髮的相,「喺煤氣工作12年,係成世人唯一一次留『過膊頭』長頭髮,連我都唔記得咗。」

撰文: 黛安 消息特靈八卦公關
欄名: 八卦名利場