【聲明】港生活網站並無進行電話推廣活動

首度封帝感謝「衰人」 城城唔肯開估講邊個

發佈時間: 2016/04/05

《第35屆香港電影金像獎頒獎禮》前晚在尖沙咀文化中心圓滿結束,郭富城與內地新人春夏,雙雙憑《踏血尋梅》稱帝封后。城城在台上感激曾經對他很衰、給予磨練的人,事後他笑說不會開名:「我唔講佢點衰,總之人生要有好多經歷。」

曾奪兩屆金馬影帝的郭富城,前晚終於首次在港開齋奪金像影帝,他在《踏血尋梅》的慶功派對上,坦言沒想過得獎,「當聽到叫我個名嘅時候好愕然,因我覺得每個人(提名男星)都有機會,個個都好優秀。」他開心自爆已收到內地女友方媛(Moka)的祝賀短訊,「我仲收到200幾個朋友短訊,亦好多謝經理人小美,佢幫我打理工作,好想同佢分享喜悅。」

《踏血尋梅》全晚勇奪七獎成大贏家,城城封帝時當眾多謝對佢好衰嘅電影人,因此令自己更強。他強調:「唔開名喇,一定係蝦演員嘅人。」問他指的「衰人」是否某位導演?城城只是笑而不語。

春夏澄清白只非男友

同場的春夏與白只領獎時,不約而同公開向對方「示愛」,事後白只笑言自己最愛春夏,不過春夏解釋彼此只是兄弟情,「我們本來就不是男女朋友之間的感情,在工作上,白只對我很重要。」她更自爆已有圈外男友,「鍾唔鍾意同肥無關,男友係胖而不瘦!」另外,最佳女配角得主金燕玲形容自己得獎時如發夢一樣,提到她向知己蘇施黃示愛,她笑指因沒準備講稿,又謂自己最想多謝的人其實是張叔平。

撰文:李潔盈

編輯:陳禮恒

設計:鄧俊明