古巴同生共死14天 劉心悠手機怒掟Eric Kwok

全新免費電視99台ViuTV昨日假灣仔會展中心舉行啟播禮，大會邀得陳奕迅上台獻唱，及多位嘉賓介紹自己的節目，當中劉心悠和郭偉亮（Eric Kwok）自爆在新節目中拍到開火，真係估佢哋唔到。

昨日出席啟播禮的嘉賓藝人包括陳奕迅（Eason）、劉心悠、Eric Kwok、周柏豪、廖碧兒等等。心悠和Eric Kwok早前赴古巴拍攝《Barter game價值連城》，兩人大爆曾大吵一場。

兩人表示拍攝時經常遇阻滯，連入油也去到第三個油站才成功，Eric Kwok坦言嬲到發火，拍到尾聲更揚言太辛苦欲放棄，結果遭心悠用手機怒掟發洩不滿，心悠說：「去到第14日先話唔拍？」經過兩星期艱苦之旅，兩人學會珍惜及感恩擁有的一切。節目開始時，Eric Kwok曾稱可能賣走心悠換物，但最後卻救了她，更稱：「佢係我會take care嘅第三個女人，除咗媽咪同葉佩雯。我哋曾經歷同生共死。」心悠卻指他們不是好friend。

Eason撑最緊要有得揀

曾效力無綫多年的杜琪峯亦於啟播禮上贈言，被問到如何令一個電視台成功？杜sir又有妙論：「咁易嘅話就冇電視台執笠啦，最重要如宣傳所言『令觀眾有得選擇，內容要有質素同細節』，唔好求其畀嘢人哋睇！」

而Eason就上台獻唱歌曲《今天只做一件事》，更以「做人最緊要有得揀，今天只做一件事，開電視，㩒99，過有選擇嘅生活。」作結語，為啟播禮畫上完美句號，而他之後就迅速離開。

採訪：Pauline

攝影：林良明

編輯：黃寶恩

設計：鄧俊明