【聲明】港生活網站並無進行電話推廣活動

海洋公園幫熊貓慶生 盈盈或有喜?

發佈時間: 2016/08/09

原來噚日同下星期二,分別係大熊貓樂樂同盈盈嘅生日!海洋公園趁大日子,幫4隻大熊貓一次過搞生日會,送上Häagen-Dazs贊助特製冰雕大蛋糕。

大家好關注盈盈「陀B」,聽海洋公園動物及教育部執行總監蔣素珊講,盈盈和樂樂今年4月踏入第6個繁殖季節,海洋公園獸醫同四川臥龍國家級自然保護區嘅大熊貓專家為盈盈進行咗兩次人工授精,目前盈盈身體狀況有改變,食慾有所下降、行為同荷爾蒙水平轉變都顯示一些懷孕跡象,但亦可能係假懷孕,要到生產前約兩星期先有機會透過超聲波檢查確定。

海洋公園主席孔令成就話,好開心同市民一齊見證大熊貓成長,所以大熊貓生日月份推小童免費優惠,鼓勵親子同遊探大熊貓。8月底前,憑有效成人票或成人智紛全年入場證嘅港人,去海洋公園售票處或換票處出示身份證即可獲贈免費小童飛。

撰文: 黛安 消息特靈八卦公關
欄名: 八卦名利場