王瑋彤壓力大退選港男 王浩信否認胞弟孱仔

王瑋彤日前以健康理由退出香港先生競選，身為哥哥的王浩信昨日在活動中坦言，胞弟並非身體太過孱弱，只因抵受不住連日來的壓力，惟有寄望將來再捲土重來。

王浩信昨日在銅鑼灣時代廣場出席《聖鬥士星矢》30周年開幕禮，一身打扮刻意配合主題，自言是星矢迷的他，記得小時候躺在媽咪大髀上睇電視，從小到大都覺得自己有小宇宙，多年來對這漫畫熱情不減。

記者笑問弟弟身體孱弱，是否小時候沒有與他一齊睇「星矢」？王浩信笑言不是，並趁機解釋：「細佬並唔係咁孱弱，只不過由參選以來所承受的壓力好大，所以決定退選。佢覺得（參選）過程要好檢點，又要慎言，自從感到壓力後，佢不停發燒，又屙又嘔，面色和情緒都差，家人好擔心佢嘅身體狀況係咪承受得到。其實佢都好抱歉，對唔住大家，亦對唔住公司，我覺得呢種係有責任嘅表現。」

王浩信直言對胞弟充滿信心，更自認是弟弟的壓力來源。至於胞弟會否考慮從其他途徑入行？王浩信續說：「佢上咗寶貴一課，等佢再裝備好，或者來年再參選啦。」

香港先生再淘汰3人

此外，13位入圍的香港先生昨日在電視城進行淘汰賽，當中只有十位留低，並於今日出發到台灣拍外景。在淘汰過程中，每位候選港男獲派一張「登機證」卡紙，只有真正揭中台灣機票才入圍，結果陳金寶、梁志鏘及簡少杰被淘汰出局。大會安排三人剖白被Out心情，陳金寶表示：「心情OK，希望其他參賽者Good Show。」相反，梁志鏘直認心情有點低落。

採訪：Pauline

攝影：Lego

編輯：陳禮恒

設計：梁政敏