生日想養貓被拒 Chilam自嘲遭靚靚欺壓

張智霖（Chilam）今個月底45歲生日，朋友圈甚廣的他偏偏最怕搞大型生日會，他又自爆想養貓卻被太太袁詠儀（靚靚）拒絕，還說自己和兒子都是家中被欺壓的一群。

Chilam前晚出席活動時提到，今年是他入行25周年，並形容時間過得快到似穿梭機：「我都仲有好多嘢要學，嚟緊又有新挑戰，好似做音樂劇，又會去外地參與其他地方的電影，藝人要有更多新嘗試。」

與兒子同一陣綫

提到今個月27日牛一，他透露當天會在上海舉行演唱會，問到豈不是不能慶祝？他坦言：「我好驚有人同我慶祝，好似surprise party嗰啲，因要畀好高興嘅反應，雖然我都畀到，最理想就係同家人朋友一齊食餐飯，不過演唱會成萬人同我慶祝都好特別。」

問他想要甚麼生日禮物？Chilam說：「我話想要隻貓，但佢（靚靚）話唔使諗。因為我之前養過貓，有鼻敏感，其實嗰時我好多壞習慣，都唔知關邊樣事。（仔仔想養嗎？）佢同我同一陣綫，不過都無用，我哋係被壓迫嘅一群。」

撰文：Pauline

編輯：林梓添

設計：梁政敏