新版「閃躍維港」 3D表演登場

全新一輪「閃躍維港」3D光雕匯演上周五登場，睇相已經覺得吸引！今次匯演將由以往尖沙咀香港文化中心外牆平面投影，伸延到香港文化中心廣場，有近60組激光會喺廣場四方八面交織投射，夠晒震撼。

聽講配合旅發局「香港FUN享夏日禮」推廣，匯演搵埋嚟自澳洲嘅著名編舞師Katie Cesaro助陣，用勁舞帶動燈光，營造派對氣氛。此外，前九廣鐵路鐘樓仲會變身成巨型互動遊戲機「Fun-O-Meter」，旅客同市民可以即場測試「Fun Fun指數」，將不同的心情圖像投射到鐘樓上𠻹﹗