攬錫拍檔周家怡 林保怡：見到面都會咀

王賢誌公開與同性密友Kevin在溫哥華結婚，林保怡同樣被指性取向成疑，最近有報道指他被周家怡「拗直」。保怡昨在活動上堅持不提感情事。

林保怡昨日帶同八歲愛犬阿水到赤柱廣場，出席「狗狗也行醫」嘉年華活動。保怡早前與ViuTV劇集拍檔周家怡當街激咀，令人揣測兩人戲假情真，保怡解釋：「當時我哋仲係『大衞與瑪嘉烈』，唔係做戲，我哋見到面都仲會咀，希望可以拍續集。」他又指當晚係一齊飲嘢，還叫大家下次去問周家怡。

至於報道形容家怡「拗直」保怡，他就明顯有點不快：「唔好咁講，你哋好了解我，我一向完全唔講感情事。（王賢誌結婚了！）不嬲我都冇咩唔公開，只係唔講自己感情事，我當然戥佢高興。」

醫好愛犬

此外，保怡在活動上分享與愛犬阿水的經歷，阿水曾因椎間盤突出引致癱瘓，他不惜花費十幾萬做手術，幸好阿水現時十分健康。保怡更開心表示，阿水前晚陪他一齊睇奧運。

撰文：Pauline

編輯：陳禮恒

設計：梁政敏