Sammi曾幻想做瓊瑤女主角

鄭秀文（Sammi）昨日到鑽石山出席世界宣明會舉辦的舊書義賣活動，她攜同一本有關哲學的小說跟書迷分享。早年她患上抑鬱症時，正是靠閱讀去紓緩情緒，Sammi呼籲大家養成良好閱讀習慣。

Sammi不諱言幾年前患上抑鬱症，是她看書最多的日子。她說：「睇最多有關哲學嘅書，覺得人呢個生物好有趣，可以抽離一下抑壓嘅情緒，有咗信仰之後就睇聖經。」

安仔睇惡搞廣告笑到傻

在求學時期，可曾跟其他女孩一樣愛看愛情小說？她笑着點頭，又謂：「成日幻想自己係書中女主角，嗰時會睇瓊瑤嘅書，當自己係女主角，幻想自己好搶手，但小說同現實有落差囉。」

此外，Sammi最近與杜德偉拍攝網絡廣告片，惡搞當年許志安被誤認做杜德偉，Sammi笑說：「好多事應該有幽默去處理，我畀安仔睇，佢睇四次都笑到碌地，佢覺得杜生咁樣出場好舒服。但對我嚟講，佢哋兩個都唔似樣。」

撰文：Pauline

編輯：陳禮恒

設計：Herbert