當街鬧老公 千嬅拒認惡妻

楊千嬅向來重視與囝囝Torres的親子教育，經常在社交網站分享與囝囝一齊入廚的製成品，老公丁子高也喜歡鑽研廚藝。對於有報道指她在大街大巷鬧老公，形容她是「惡妻」，千嬅在活動中連忙為自己平反。

楊千嬅、古天樂昨日在銅鑼灣出席Kiehl's活動，兩人即場炮製沙律，大會安排他們製作健康沙律醬，古仔更鬼馬地拋樽，身旁的千嬅嚇得只管傻笑。活動後，千嬅回應日前被拍得在街頭鬧老公，她聞言後反問：「我好惡咩？我都唔會用音量同聲綫，我鍾意『腰潤』人、用文字啫。」她更指住身旁的古仔說：「佢個樣仲惡過我啦。」

談到煮食，千嬅表示平日會與Torres一齊整蛋糕和曲奇，中、西餐都有，而且老公的廚藝也不錯。她說：「佢鍾意食嘢，所以廚藝OK。不過男人煮嘢，通常唔鍾意洗碗同執廚房，次次用完個廚房就好似打劫完一樣。」她又讚丁生最叻是拆魚肉煲粥，當然他只負責煲，拆魚肉這些工夫都由傭人去做。

古仔食西餐長大

至於古仔的廚藝如何？他說：「一直以來我覺得中菜比西餐更高難度，平日在香港比較少下廚，通常出埠拍戲，有時都會煮少少，都係西餐為主。就算媽媽都係好後期先學中菜，我係食牛扒、豬扒同薯條長大㗎。」問到以前的女朋友會否為他下廚？古仔即表示：「我啲朋友全部都係男仔。」追問下去，古仔立刻裝聾反問：「咩話？」借故避談。如果女仔烹飪叻會否加分？他才肯說：「阿媽就加分。」

採訪：Pauline

編輯：陳禮恒

設計：梁政敏