出山做康宏CEO 莊偉忠：只因好玩

自從莊偉忠開始「退休生活」，唔少人都話可惜，最近又有新消息，佢正式擔任康宏金融集團行政總裁。消息傳出後，大家都好好奇，噚日佢就約埋傳媒茶敘，分享新工目標，仲話加入康宏，只因「好玩」。原來3月初莊偉忠獲邀到康宏演講，當時已經覺得呢間公司充滿朝氣。後來集團主席王利民邀請他出任集團CEO一職，同佢講起工作困難、集團發展路向的搖擺等。睇好金融業嘅莊偉忠話，財富管理業務未來發展有極大潛力，CEO呢個位挑戰極大，仲話「極具挑戰先好玩」，所以決定加入康宏。

為何轉行？「我出身金融」

莊偉忠提到，唔少人問佢點解轉投金融業，佢就話，「你哋搞錯了！我係出身金融的。你哋今時今日買嘅單位信託基金，當日全香港第一個喺銀行代理其他基金公司單位信託基金嘅，係我！」