上Google「睇」奧運 感受現場氣氛

奧運即將開鑼，為咗令大家可以緊貼賽事戰況，Google都落力整理最新資訊，聽講當大家搜尋「Usain Bolt Rio 2016」、「Gymnastics Rio 2016」等有關詞彙時，Google會喺搜尋頁面或Google App提供更詳盡Onebox搜尋資料，到時賽事概覽、分項、時間表、運動選手及金牌榜等資料都一目了然。除此之外，Google地圖同街景服務都有更新，大家就算去唔到當地親身欣賞賽事，都可以跟街景背包即係（Trekker）走訪里約街頭，360度全景睇酒店、街道同周邊地區等，當然唔少得體育場館內外全景。