【聲明】港生活網站並無進行電話推廣活動

盛智文鼓勵市民「食買睇玩」 fb ig 分享正能量

發佈時間: 2016/08/01

噚日「蘭桂坊之父」盛智文一身粵劇戲服打扮出現喺沙田馬場,原來佢係以分享平台「WE LIKE HK」召集人身份,號召零售、旅遊同餐飲業唔同界別人士出席啟動禮,話要喚起全港市民一齊發掘身邊美好事物,為香港帶來歡樂。

盛智文坐人力車出場,歡呼聲不斷,佢提到WE LIKE HK呢個平台,係要鼓勵市民尋找同分享4個主題——「食、買、玩、睇」嘅資訊,「畀個Like」將開心快樂氣氛喺社區傳開去。為咗喺社交媒體有號召力,WE LIKE HK喺Facebook同instagram都有專頁,大家亦可以用hashtag「#welikehk」分享開心資訊。

想市民都支持,梗係需要各大機構撑場,今次贊助機構可以話係「星光熠熠」,好似莎莎國際、百老匯集團、英皇集團、太子珠寶鐘錶、六福珠寶、恒基兆業地產、信興集團等,同平台主題一樣,由零售業到旅遊、餐飲業都有。

撰文: 黛安 消息特靈八卦公關
欄名: 八卦名利場