20準港姐出爐 大熱鄺美淇愕然被叮

《2016香港小姐競選》將於9月11日晚假將軍澳電視城舉行，大會今年打破傳統，以嶄新的淘汰賽制選出新一屆香港小姐。30位入圍佳麗面臨多個淘汰階段，接受各方面挑戰，以最佳表現爭取躋身決賽資格。昨日率先公布晉身20強佳麗名單，大熱門鄺美淇落選令全場譁然。

昨日公布的入圍名單中，較為人熟悉的蒙古血統代蓮曦丹美、「劍橋Angel」關可欣、「健碩鍾嘉欣」劉穎鏇、「甫士王」馮盈盈、「導彈律師」魏韵芝、「翻版高海寧」黃鍶雅、「CM王」阮嘉敏、「選美王」陳雅思全部入圍。不過頂頭大熱的鄺美淇（Maggie）賽前胸有成竹，可是當司儀宣布出局一刻，她也一臉愕然。事後問她會否感到失落？她表示：「盡咗力就OK，做好自己就OK（有冇考慮入娛圈？）都會嘗試下，因為啱啱畢業。（對結果係咪好意外？）少少啦，依家諗住休息下先。」

至於另外兩位本來被睇好的葉蒨文（Sophie）和鍾佩恩（Michelle）同樣未能入圍，她們都表示對於落選不感到失望，會平常心面對。Sophie稱：「參選之初，導師都同我哋講就好似上咗火車咁，會有人中途落車，所以都無太大唔開心。」至於Michelle就說沒有特別失望，參選令她學了許多。不過Sophie就是辭了職參選，問她豈不是變了失業？她就說無所謂。而Michelle則是停薪留職參選，她正考慮是否復工。

黃欣�𦲀問評判落敗原因

較可愛的一位落選佳麗黃欣�𦲀（Queenie），未公布落選已經喊，原來她替好友龔佩曄落選而難過，宣布她出局反而顯得冷靜，她說：「我想問評判自己落敗原因，等我下次可以改善，（再參加？）會呀，邊度跌低就邊度起番身，我覺得自己輸蝕在身形唔夠瘦同埋無參賽經驗，本身碩士畢業，學歷方面應該唔使再提升。」

另一方面，代蓮曦丹美則是最後一個宣布入圍的佳麗，她坦言那一刻幾乎呼吸不到，問到可擔心會出局？她說：「我個人好正面，會努力去下一步，其實都準備咗落選感言，最重要樂觀面對啦。」馮盈盈（Crystal）和劉穎鏇（Tiffany）被問到Maggie出局會否覺得少了個勁敵而開心？Crystal表示不會開心，反而會感到不捨得。

採訪：Pauline

攝影：林良明

編輯：林梓添

設計：梁政敏