3香港WiFi熱點突破2萬 人人有份試

想知上網服務快唔快、係咪穩定，聽人講得多，梗係想親身試下。3香港真係好明白消費者，仲好大膽創新，趁住品牌WiFi熱點突破2萬個，一於同全香港流動通訊用戶一齊慶祝，即日開始到9月底，用戶都可透過智能手機、平板電腦或手提電腦，免費試用每日三節、每節30分鐘，一共90分鐘嘅WiFi服務。

和記電訊香港控股營運總裁陳婉真（Jennifer）話，3香港積極發展流動通訊同WiFi服務，WiFi熱點係全港最多，今次大家可以親身體驗品牌WiFi網絡有幾咁流暢。聽公關老友講，3香港嘅WiFi熱點遍布全港大型購物中心、零售商舖、投注站、商業大廈、書店同醫院等。試用方法好簡單，搵到「3HK Wi-Fi（Free）」之後，輸入名稱、電話號碼同電郵地址，系統會發送一個一次性密碼畀你，入完密碼就用到3香港WiFi服務。