𥄫實《晴報》旅遊版 贏走機票同Rimowa行李箱

噚日去書展見到《晴報》市務部姊妹落力做宣傳，聽佢哋講，讀者去《晴報》攤位1A - B08登記，可以參加《晴報》睇住賞活動，有得參加機票大抽獎！上次都有同大家講過，《晴報》睇住賞送出100張日韓台機票，8月2日仲有個特別大抽獎。聽講除咗機票，佢哋仲準備咗Rimowa靚靚行李箱，大家真係要抓緊機會啦！

姊妹畀咗個小貼士，佢哋改變咗玩遊戲方式，就係看圖估答案，廣告上每張圖有送出機票目的地地標，估中就有機會中獎啦！淨雞雞問咗佢哋，今日問題關於台北某個有名夜市，想要多啲貼士，揭去今日《晴報》第86頁旅遊版左下角，留意答案7個字㗎！