黛安
黛安

張天行畫展 探討「虛與實」

發佈時間: 2016/07/22

張天行畫展 探討「虛與實」

香港著名廣告導演張天行(David Cow)第三度舉辦個人展覽,上星期展覽開幕,特地去藝穗會棒場,仲見到《晴報》社長麥華章,麥社長仲大讚今次展覽好成功!

呢位廣告導演,過往30年間不斷研習書法、設計、視覺藝術同動態影像,但講到畫畫,佢可以話「從未放棄畫家本質」。而今次展覽主題係「THIRD EYE WIDE。三眼界」,意思係用感知方式看世界。修讀佛學嘅David,希望用自己早期、近期作品,同大家探討藝術中嘅虛與實。有人形容佢嘅畫風,糅合唔同現代藝術大師筆觸,好似將唔同畫風變成種子,灑喺畫布上一樣。

David喺展覽介紹中,問咗幾個問題:「如果要用感知方式看真實世界,外在世界是怎樣的一種結構?是DNA啟動出來?是幾何結構出來?還是一切視像都只是腦內傳訊。」要回答呢幾個問題,大家就要去展覽親身體會一下。

撰文: 黛安 消息特靈八卦公關
欄名: 八卦名利場