袁偉豪否認對王君馨擺款

陳展鵬、胡定欣、劉佩玥（阿Moon）、袁偉豪及王君馨等演員，昨日到香港仔宣傳新劇《城寨英雄》，大玩水上競技遊戲，一眾女藝人以T恤短褲上陣以防走光。

有傳拍《城寨英雄》鬧不和的袁偉豪及王君馨（Grace），兩人一齊受訪，袁偉豪笑言：「係呀，我之後唔同Grace一齊做訪問，因為我要放假，同女友岑杏賢去溫哥華，八月初才返港。」對於外界指他擺款，袁偉豪否認此說，又解釋與Grace屬同一經理人，他認為一齊合作是命水，會視每個同事做朋友。Grace亦力撑袁偉豪，不覺得他擺款，卻又笑謂：「我選港姐時已經唔鍾意袁偉豪，企喺佢隔籬壓力都大啲，佢身形太靚。」

展鵬操弗身形

此外，《城寨英雄》近日播出宣傳片，見陳展鵬「曬肌」及胡定欣「曬股」，展鵬表示有刻意健身操弗身形，希望能讓觀眾有新鮮感。胡定欣則笑嫌宣傳片介紹她出場時唔用大頭，竟然係騷臀部。問其男友會否呷醋？定欣表示男友很大方，還得戚說：「咁多男仔讚，證明我嘅付出係值得嘅！」

撰文：Pauline

編輯：陳禮恒

設計：梁政敏