【聲明】港生活網站並無進行電話推廣活動

跟City Super 入廚學烹飪 免費歎至尊Chef's Table

發佈時間: 2016/07/21

每次去city'super購物,好似揀紅白酒同芝士,望住咁多選擇,都想有人講下邊個配搭好啲。原來參加品牌「superlife culture club」(生活藝會)活動,可以參加唔同活動,例如唔同Wine pairing工作坊。

聽姊妹講先知,品牌自2005年喺沙田新城市studio推出superlife活動,依家計埋海港城同時代廣場,總共有三個地點畀大家參加活動,「有烹飪班,教煮各國菜式,由主菜到蛋糕、麵包等都有;亦有煮食示範同tasting活動」。

黛安八卦完先知,原來慶祝City Super集團陪伴大家20周年,生活藝會暑假推出優惠!顧客七月至八月期間,一次過參加三個或以上烹飪班,八月至九月有得免費出席Chef's Table品嘗佳餚聚會,到時嘉賓好有分量,行政總廚張倩敏會現場為大家烹調一場至尊盛宴。

除此次外,迎接20周年慶典,City Super集團仲搵咗其他品牌同設計師合作,推出包括食品、咖啡豆及洋酒等包裝嘅20周年限定產品。好似香港藝術家Kristopher Ho就用美輪美奐插圖加設計,同city'super合作推出精美環保袋同圍裙兩個型格系列。

首個系列用樹幹做主題,除咗代表City Super過去20年嘅成長,亦表達集團喺台灣同上海嘅足迹。另一系列就用動植物做靈感,圍裙帶出保護及珍視大自然信息。

撰文: 黛安 消息特靈八卦公關
欄名: 八卦名利場