中電莊偉茵現身書展 同幼園生捉棋講環保

噚日喺書展兒童天地，見到中電企業發展總裁莊偉茵（Quince），原來佢同幾位得意幼稚園小朋友有個「約會」，約咗一齊捉棋。

聽公關姊妹講至知，今年中電同社企「樂在棋中」合作，製作咗套棋盤遊戲「電力GO GO GO」，希望小朋友從遊戲中愉快學習環保知識，從小養成綠色生活習慣。Quince邊玩邊向小朋友講解發電設施和電動車，仲提醒小朋友日常生活中要安全用電及節能慳電。

為咗今次書展，中華電力同「樂在棋中」特別培訓咗八位來自東涌嘅青少年擔任遊戲導師，向參觀者介紹遊戲及環保信息，藉此提高青少年的溝通技巧，擴闊他們的視野。