傳港姐郭嘉文與李澤楷遊日 麥明詩：唔覺佢富貴咗

麥明詩（Louisa）昨晚出發往巴西主持奧運節目，昨午抽空到灣仔書展為媽咪推出新書打氣。對於同屆港姐季軍郭嘉文被傳暗撻李澤楷，Louisa坦言不覺得對方變富貴，但如傳言屬實也會恭喜她。

麥明詩媽咪推出新書《一張白紙到10優－我的女兒麥明詩》，一家人趁書展首日到場支持麥媽媽，同場未見Louisa男友林作。Louisa解釋：「其實喺媽咪出書前，我都有畀佢（林作）睇過，參考佢嘅意見，所以會送番本書畀佢。（會否約林作食飯順便送書？）未諗詳情呀，因為呢排都幾忙，我要飛去巴西做奧運。」

男友冇份送機

Louisa預計在巴西逗留一個月，林作會否送機？她稱：「家人會送機，唔使佢啦，其實出埠做嘢好少事！」她強調最近與林作有聯絡。

昨日有報道稱，與無綫簽約八年的港姐季軍郭嘉文，近日忽然富貴，又揸遊艇，被指與小小超（李澤楷）過從甚密。Louisa表示自己也是閱報後才知，要是真的相戀都替她開心。

覺得郭嘉文的擇偶目標明確？Louisa表示不察覺對方比以前富貴了，並笑笑口謂：「我唔知佢目標係乜，不過最緊要大家搵到適合大家嘅嘢。」至於他們年齡有距離，Louisa道出個人見解：「我一向比較鍾意年輕力壯，我覺得（年紀）爭太遠未必溝通到，我比較鍾意一齊拼搏。」

採訪：Pauline

編輯：陳禮恒

設計：nc