【聲明】港生活網站並無進行電話推廣活動

百佳 惜食堂攜手捐贈食物

發佈時間: 2016/07/19

企業愈嚟愈注重社會責任,收到公關消息,百佳超級市場(百佳)同惜食堂,即係小寶慈善基金2011年起開展嘅食物回收及援助計劃再有合作,攜手推動為期8星期嘅「全城傳愛齊捐食」計劃。

即日開始到9月8日,市民可以將任何地方買、任何品牌嘅6款指定食物,包括米、油、粟粉、米粉、罐頭及燕麥,交到任何一間百佳、Fusion、TASTE、International、Gourmet、GREAT或SU-PA-DE-PA超市內嘅藍色食物收集箱。全港百佳同旗下品牌約280間分店收集嘅捐贈食物,只要無過期、未開封,百佳轉送到惜食堂,製作熱飯餐畀社區有需要人士。

唔經唔覺捐食活動踏入第3屆,百佳超級市場總經理曾金強表示,希望透過計劃凝聚香港市民同百佳員工嘅支持,配合百佳遍布全港嘅店舖網絡,為惜食堂籌集食物,將關愛傳畀有需要的人。小寶慈善基金創辦人董愛麗感謝百佳支持之外,又呼籲全港市民要踴躍響應今次善舉。

其實除咗捐食物計劃,百佳2012年起成為全港首家捐贈剩餘食物嘅超市,將店舖蔬菜、水果、散裝麵包、肉類同包裝食物捐畀惜食堂,幾年嚟籌集超過680公噸食物,製作逾200萬個免費飯餐。聽講品牌仲將計劃拓展到147間分店同上水新鮮食品分發中心,希望幫到更多人,呢一個行動正正符合品牌精神「百佳心。繫全城」。

撰文: 黛安 消息特靈八卦公關
欄名: 八卦名利場